نسوان كدا جايبات فنان سوري يحي حفل عيد الفلنتاين بقاعة الصداقة …
انت قادر تتخيل… وقاحة الناس ديل والشخص دا…؟!!
أهلوا في سوريا مازالوا تحت الأنقاض وهو جاي هنا يرقص مؤخرات النساء باسم عيد الحب..
ياراجل اختشي على دمك..
اقسم بالله العظيم الرجالة في سوريا وتركيا لما يطلعوا شخص من الأنقاض حي يرزق ويكبروا..
الله أكبر.. الله أكبر…
انحنا واخواتنا بنبقى في الحد السوا..
بنبقى صغاااار قدام الفرسان دراجين المحن ونحن متغطين بالبطاطين نعاين زي الفيران..
ما كله معانا جنبه
لو سألتني ليه انا زاتي معااارف ليه….
المهمممممممممم…
النسوان الجابن السوري الخايس يغني في الفلنتاين لبسنوا جلابية وعمة وصورنو ونشرن الصور في الأسافير عشان يلمو بيها الحشرات وهاااااك يا ولولوة و وحوحة وايحاءات جنسية وعدم حياء ومراهقة من نسوان ما صغار..
وشيخ اللمين جيبو لي وقلة ادب فوق الحد..
ياااخ..
انتوا ما عندكم أهل يزعلوا من كلامكم دا ..؟!..
ماعندكم اخوان رجال يخجلوا من تصرفاتكم دي قدام أصحابهم ؟!..
ماعندكم اهل ولاد عم وولاد خال كدا زي الناس يتصلوا عليكم يقولوا ليكم عيب ..؟؟…
ما خائفيين من المجتمع يصنفكم شمال وتبقوا في حاااافة البورا..؟؟
ما خائفين الميديا تؤرخ وتحفظ مسخرتكم دي وبكرة يشوفوها عيالكم وتسببوا ليهم عقد نفسية؟!!!
ولأ انتو كلكم كدا عديمي حياء وديوثين…
السنبلة حنين طبعا طلعت توحوح معاهم.. دي زي السيسي القال : اي شي ما يرضييش ربنا حاتلقانا داعمنو ومعاه ..
أسرع من الشيطان في الفاااارغه..
دي انا ما حاسبها اصلا لانهابتكون قاصدة تكاااوي الرجال ألفي صفحتها..
عندها مشكلة مع الذكورية وممكن تصفيها عادي على حساب سمعتها…
المهمممممممممممم
أصلوا موضوعي دا ماموضوع دين والله عز وجل قال والرسول صلى الله عليه وسلم قال موضوعي رجالة كدا ساااااكت….
المهمممممممم
احب اقول للمتعلمنيين والمتعلمنات وعاملين فيها صعاليق..
والله اخير ليكم يحكمكم الإسلام من تحكمكم حماقة السودانيين…
احسن وارحم يحكمكم الإسلام من تقولوا عايزين علمانية يقوم يحكمكم سوداني أحمق من كيم جونغ يقطع اضنينكم في اتفه الأسباب …
بعدين..
هو دي ايام حب عشان تغنوا ليهو..؟؟..
حب شنو في الضلمة دي..؟!!
الناس كاتمه فيها وعيشه صعبة والواحد من الضغوطات زهلل وبقي يقول لمرتو (يااااا اخت)..
معصور مافارز مرتو من أمو من خطيبتو.. حب شنو تااااني…
بلد محبوسة ومشاعرها مسجونه في المحنة وديل رايقات وفايقات وجايبات سوري نكرة هن زاتن ما بعرفنوا فقط فلقصة عمياء باسم الحب …
والله..
النسوان الجنهن سفر ديل الله يكافينا شرهن..
تبا لكن
ياسماااان ومدغلبات..
بشتنتوا علينا بنات الناس وبقينا ما فارزين منو المخروشه من النعسانه …
(منصور الهادي)
التعليقات مغلقة.